Puntonan di òrdu
E maestro mester tene su mes na e siguiente puntonan di òrdu

E maestro mester ta batisá
E maestro mester ta fiel kreyente (no falta sirbishinan djadumingu, estudio bíbliko, orashon)
E maestro mester ta obediente na e liderazgo di su iglèsia
E maestro no por ta seksualmente aktivo fuera di matrimonio
E maestro no mag huma, bebe, parandia, hasi uzo di droga i otro supstansianan ilegal
E maestro mester bisti apropiá pa bin lèsnan
Ta rekerí pa respetá otro tantu den lès komo pafó di lès
E maestro no tin mag di hasi uso di telefòn selular durante di lès
E maestro no tin mag di kome ni bebe durante di lès
E maestro no ta permití pa bini lès ku bishitante sin pèrmit
E maestro mester sòru pa bini ku su materialnan nesesario pa e sigui e kurso (p.e. Beibel, bukinan, pèn, pòtlot, skref, laptòp, ets.)
E maestro mester sòru pa prepará e lokashon kaminda e ta duna lès for di trempan.
Bistuario
Ta rekerí pa e maestro ta bistí na un manera apropiá, esaki ta enserá:

Saya bou di rudia
No ta permití pa bini ku slòf
No ta permití pa bini ku blusa ku strèp ni tubu
No ta permití pa bini ku t-shirt manga aden (ni flanèl djabou)
No ta permití pa bin ku short ni karson 3/4
No por bini ku nada ku ta eksponé bo mes na un manera indesente
Ousensia
Si akaso e maestro no por duna e lès e mester avisá pa mas tarda 48 ora promé ku lès p’asina un otro hende por prepará pa remplas’é. Pues tuma nota di e roster.

Punto di atenshon
E maestronan ku ta duna un spesialisashon di ministerio mester prepará nan propio roster ku ta kubri tur e 9 simannan. Kòrda tene kuenta ku na final di e spesialisashon mester tin un prueba of proyekto final ku lo konta komo punto pa e studiantenan. Mester entregá e roster i e prueba final (kual ta algu práktiko) promé ku desèmber p’asina por evalu’é i aprob’é.
Puntonan di òrdu
E studiante mester tene su mes na e siguiente puntonan di òrdu

E studiante mester ta batisá
E studiante mester ta fiel kreyente (no falta sirbishinan djadumingu, estudio bíbliko, orashon)
E studiante mester ta obediente na su mayornan i e liderazgo di su iglèsia
E studiante no por ta seksualmente aktivo fuera di matrimonio
E studiante no mag huma, bebe, parandia, hasi uzo di droga i otro supstansianan ilegal
E studiante mester bisti apropiá pa bin lèsnan i e mester tin su uniform na tur les.
Ta rekerí pa respetá otro tantu den lès komo pafó di lès
Tur porta di klas ta sera 9or en punto. Si un strudiante yega despues di 9or e no por asistÍ na e les mas i lo konta komo ousente.
E studiante no por partisipá na e lès di práktika si e no a bini e lès di teoria i vice versa
E studiante no tin mag di hasi uso di telefòn selular durante di lès
E studiante no tin mag di kome ni bebe durante di lès
E studiante no ta permití pa bini lès ku bishitante sin pèrmit
E studiante mester sòru pa bini ku su materialnan nesesario pa e sigui e kurso (p.e. Beibel, bukinan, pèn, pòtlot, skref, laptòp, ets.)
Bistuario
Ta rekerí ku e studiante ta bisti na un manera apropiá, esaki ta enserá:

Saya bou di rudia
No ta permití pa bini ku slòf
No ta permití pa bini ku blusa ku strèp ni tubu
No ta permití pa bini ku t-shirt manga aden (ni flanèl djabou)
No ta permití pa bin ku short ni karson 3/4
No por bini ku nada ku ta eksponé bo mes na un manera indesente
E studiante mester bisti su ünifòrm durante di lès, solamente ora ta hasi les praktiko manera baile i mimika òf trabou práktiko manera entre otro limpiesa, subi seru i aktividatnan paresido por bisti otro paña teniendo kuenta ku regla di bistuario.
Ousensia
En total bo no por falta mas ku 2 lès. Den kaso ku bo falta mas ku 2 lès lo bo risibí un rekonosemente na final di e kurso i no un diploma. Si bo falta mas ku 5 lès lo bo no risibí ni un diploma ni un rekonosementu na final di e kurso. Pa kada lès ku bo falta bo mester avisá mínimo 1 ora promé ku lès kuminsá.